Pantun Madura

1. Perreng malang tamancok beceng
ma’ dhika se alanglang mon bule kenceng
2. para ulama ampon adebu
amusyawarah jek bu-ambu
niat se jubak tore pas ambu
paongguagi tak osa ragu
3. nik madde ampon tak korang
keng manossa selako korang
seang ben malem ampon tak kapalang
rasa tamakna tak endhak elang
4. tadha’ gunana benyak dunyana
tape pas loppa fakir miskinna
loppa atoran dhari guruna
kalompak nafso petteng atena
5. manossa odhi’ ta’ saterrossa
benyak salana ta’ apangrasa
dhuli atobat dha’ se kobasa
ma’ e jauagi dhari apoy naraka
6. Nyara taretan kodhu pa kowat
dhari guda’an lako maksiat
mandhar e parengana iman se kowat
ma’ ta’ daddi oreng se mortad
7. ja’ atoro’ jaman kamajuanna
tako’ pas lopot dhari kapprana
hokom agama tore ja’ dhina
tengka se sala badha atoranna
8. pabenya’ nyo’on sapora
dha’ ka Allah se koasa
sangat raja balasanna
e dunnya ban aheraddha
9. ka Bluto bngala’ burni
ngala’ minya’ e kalambina
sanonto dhika mabanni
pas ta’ enga’ ka janjina
10. ka Bluto ka Baringsang
ka Babbalan lebat Gunggung
sanonto bula posang
ajalan-jalan lako tatandhung
11. abit ta’ ajamo
morongnga lecak daja
abit ta’ atemmo
kerrongnga tadha’ padha